Ja ku ndodhet “parajsa e kanabis”, ku hashashi shoqërohet me kafe ligjërisht!

E ndryshuan ligjin për ca kohë për t’u bërë më të rreptë, por më pas e rikthyen ashtu siç ishte. E kemi fjalën për kryeqytetin holandez, Amsterdamin, që mund të quhet ndryshe, edhe ‘parajsa e hashashit’ për turistët.
Çfarë duam të themi? Që turistët që vizitojnë Amsterdamin, mund të konsumojnë hashash në coffee shop të qytetit.

Sipas kryetarit të bashkisë, Eberhard va nder Laan, “turistët mund të vazhdojnë të vizitojnë 220 coffee shops të Amsterdamit, edhe pse nuk janë banorë të Holandës”. Bëhet me dije se nga 7 milion turistë që vizitojnë mesatarisht Amsterdamin çdo vit, rreth 1.5 milion prej tyre, bëjnë një ndalesë në coffee shop, për të blerë kanabis.
Pas zgjedhjeve të parakohshme që u mbajtën në vend në shtator, u vendos që të dalë jashtë përdorimit “karta – kanabis”, e cila filloi të funksiononte më 1 maj në Holandën jugore, ndërsa vitin e ardhshëm do të funksiononte në gjithë vendin. Kjo kartë kishte si qëllim që të kufizonte përdorimin e hashashit në kafene vetëm për vendasit.
Por edhe pse kjo kartë teknikisht është në fuqi, përdorimi i saj do të bëhet sipas kritereve që vendosin bashkitë. Kështu, Amsterdami e mori vendimit: kanabis për të tërë! /alb-observer.com/