Bruku e serialit "Beutiful" perjeton divorc...real

Aktorja 52-vjeçare Katherine Kelly Lang ka nisur praktikat e divorcit me të shoqin Alex D'Andrea.
Me martesa dhe divorce, Katherine Kelly Lang, e njohur me rolin e Brooke Logan në serialin e famshëm amerikan, "Beautiful", i ka mësuar prej kohësh telespektatorët. Mirëpo, aktorja bjonde tashmë duhet të provojë të njëjtën gjë në jetën reale, pasi jeta e saj private po noton në ujëra të turbullt. Bukuroshja 52-vjeçare ka nisur praktikat e divorcit me të shoqin Alex D'Andrea pas një lidhjeje 15-vjeçare, nga e cila ka ardhur në jetë edhe një vajzë që është po aq vjeç.
Për Brukun ishte martesa e dytë pas asaj me Skott Snider, me të cilin ka dy fëmijë të tjerë. Kurioz është fakti se ndarja me burrin e fundit, duket se është aspak konsensuale, pasi aktorja ka ndërmarrë një betejë ligjore për t'i mohuar bashkëshortit çekun e mirëqenies, që në këtë rast, duke parë se pasuria e saj është më superiore, duhet ta derdhë ajo.