Miriam Cani, pozon për Fadil Berishën

New York, 12 nëntor – Këngëtarja Miriam Cani ka bërë një set të ri fotografik, me fotografin e mirënjohur Fadil Berisha.

Cani vjen si gjithnjë shumë e ëmbël dhe plot sharm në këtë sesion të ri fotografik. Pjesë e këtyre fotove ka qenë edhe këngëtari por njëkohësisht edhe i fejuari i saj, Alban Skënderaj. Çifti është fotografuar disa herë së bashku dhe duken shumë të dashuruar.

Të dy këngëtarët janë duke vijuar aktualisht edhe me projektet e tyre artistike. Ata janë prej 2 vitesh tashmë pjesë e talent show për të rinj, “The Voice of Albania” dhe “X-Factor”.

Ndërsa së bashku do ti shohim edhe në një event për 100 vjetorin e pavarësisë, që do të zhvillohet në Vlorë dhe çifti i artistëve , do të jenë moderatorë, këngëtarë si dhe organizuesit e tij.