Qëndrimi ulur për një kohë të gjatë dëmton shëndetin

Qëndrimi ulur për një kohë të gjatë rrit rrezikun e diabetit dhe sëmundjeve të zemrës. Kështu është thënë, në një studimi të fundit të publikuar në revistën ‘Diabetologia’.

Shkencëtarët e universiteteve të Leicester dhe Loughborough theksojnë se dëmi i shkaktuar nuk rikuperohet as me stërvitje. Studimi ka analizuar 18 studime ekzistuese që përfshijnë 800 mijë persona.

Në kohët e sotme, ku jeta sedentare ka shumë “hapësirë” me të parit televizor dhe të ndenjurit në kompjuter. Studiuesit theksojnë se të shkuarit në palestër, pas punës, është opsion më i mirë se sa divani i shtëpisë.

Studimi i udhëhequr nga Dr. Emma Wilmot nuk e përcakton se sa është periudha e të qëndruarit ulur që të bën dëm.

“Të gjithë ata që punojnë në zyrë janë të rrezikuar nga diabeti dhe sëmundjet e zemrës dhe qëndrimi ulur nuk shlyhet me një orë palestër. Mund të them se kamarierët kanë punën më të mirë në këtë aspekt”, ka thënë Wilmot.