Vlora që tani vishet e gjitha me ngjyrat Kuq e Zi..

Fri 16 Nov 2012 - 13:31 Message reputation : 100% (1 vote)

Nëse shkon ne Vlore kupton qe ka feste. Qyteti i flamurit, është veshur kuq e zi. Krahas nismave qytetare për vendosjen e flamurit kombëtar ne ballkone e dritare, për 100- vjetorin e pavarësisë, bashkia po dekoron rrugët dhe sheshet.

Dy flamuj gjigante janë vendosur ne bulevardin kryesor, njeri para bashkise dhe tjetri ne teatrit “Petro Marko”. Ndërsa banderat janë vendosur përgjatë rrugëve ne varësi te përmasave. 160 milion leke janë financuar nga bashkia për zbukurimet e festes. Ne fazën e dyte rrugët e sheshet do te ndriçohen nga dritat kuq e zi qe do te qëndrojnë edhe për festat e fundvitit. Bashkia po bën përgatitjet e fundit.

Sipas axhendes zyrtare, tashme publike, ne 24 nëntor do te inaugurohet shtatorja e Isa Boletinit dhe 3 dite me pas ajo e Ismail Qemalit. Ata do te vendosen pranë njeri tjetrin ne sheshin historik te pavarësisë. Ne datën 28 nëntor, bashkia e Vlores dhe qeveria takohen sipas axhendes, vetëm ne festimet e mëngjesit, ne ceremoninë e ngritjes se flamurit dhe vendosjes se luleve ne varrin e Ismail Qemalit. Pas fjalës se presidentit te republikës, përfaqësuesit e qeverise nisen drejt Tiranes, ndërsa Vlora vazhdon festen me dy koncerte. Njeri do te zhvillohet ne mesdite ne sheshin e Flamurit dhe tjetri ne mbrëmje ne zonën e Skeles.