Një tjetër film për Steve Jobs

SHBA- Filmi i shumëpritur biografik i krijuesit të ndjerë të Apple, Steve Jobs, do të jetë i përbërë vetëm nga tre skena, ka konfirmuar skenaristi Aaron Sorkin.

Specialisti i filmave biografik, Aaron Sorkin, i cili ishte dhe ideatori i filmit “The Social Network” që pasqyronte krijimin e Facebook nga Mark Zuckerberg, ka vendosur që të përdorë një mënyrë të veçantë për filmin e Steve Jobs, i cili nga shumë konsiderohet si njeriu që revolucionarizoi teknologjinë.

“Jam takuar me të gjithë njerëzit në jetën e Steve Jobs, duke filluar nga krijuesi tjetër Wozniak, deri te njerëzit tjerë që ishin përreth Macintoshit. Kam qenë në gjendje të takoj të gjithë njerëzit dhe që të gjallëroj në ta Steven. Nuk do të jenë më shumë se tri skena nga 30 minuta secila”, ka theksuar Sorkin.
(ma.ar/tg/BalkanWeb)

Një film për Steve Jobs. Kjo është ideja e Aaron Sorkin, producentit amerikan që pas “The Social Network”, kërkon të rikthehet me biografinë e një tjetër ikone të teknologjisë, atë të babait të “Apple”.

Sorkin thotë se për këtë film do të përdorë shënimet e Steve Jobs duke realizuar një skenar të ndarë në 3 pjesë, nga ku secila pjesë do të zgjasë 30 minuta dhe gjithë filmi 90 minuta.

Bashkëthemeluesi i Apple, Steve Jobs i konsideruar si njeriu që revolucionarizoi botën e teknologjisë me risitë si iPad, iPhone dhe iPod ndërroi jetë më 5 tetor të 2011-ës pas kancerit në pankreas.

Dy ditë pas vdekjes u publikua lajmi se Sony Pictures kishte blerë të drejtat për biografinë e tij dhe gjetja e gjuhës së përbashkët për realizimin e filmit mes Aaron Sorkin dhe Sony Pictures nuk do të ishte e vështirë nisur nga fakti që kompania dhe producenti kanë bashkëpunuar në “The Social Network”.

Sorkin thotë se filmi do të bazohet në momentet kyce të jetës dhe karrierës së Jobs, ndryshe nga filmi në realizim e sipër i Joshua Stern ku protagonist është Ashton Kutcher e që pritet të dalë për publikun vitin e ardhshëm.

" Filmi i Steve Jobs, vetëm me tre skena"
me
"Një tjetër film për Steve Jobs"

temat u bashkun