- CalypsoPrinceshe Forumi
- Gjinia :
Shteti :
Postime : 36630
Hobi : shkrimi
Vendndodhja : ne hapat e jetes
Anetaresuar : 21/05/2011
Zveçan, shpërthim në mesnatë, dëme materiale
Mon 19 Nov 2012 - 14:39
Një shpërthim është regjistruar disa minuta pas mesnate në rrugën “Mbreti Petër” në Zveçan, ndërsa një lokal dhe dy automjete civile kanë pësuar dëme materiale njofton policia e Mitrovices.
Në bazë të raporteve të para policore të siguruara nga hetuesit policorë mësohet se mjeti eksplodues i cili nën rrethana ende të pasqaruara ka shpërthyer në oborrin e shtëpisë së ankuesit, ka shkaktuar dëme materiale në vitrinën e lokalit, përkatësisht xhamat e thyera të lokalit si dhe dëme sipërfaqësore mbi dy automjete private të parkuara në afërsi të vendit të shpërthimit.Nuk është raportuar për persona të lënduar.
Ekspertët e njësisë për trajtim të mjeteve të improvizuara eksploduese të Policisë së Kosovës, të cilët kanë bërë ekzaminimin e vendit të ngjarjes, në bazë të vlerësimeve preliminare kanë konstatuar se shpërthimi kishte ndodhur nga aktivizimi i një granate dore, e tipit “M-75” prodhim jugosllav.
Policia është duke zhvilluar hetimet intensive për të zbuluar shkaqet, motivet dhe rrethanat e këtij akti kriminal derisa kryesit e mundshëm deri në këtë moment mbesin ende të panjohur.Rasti është regjistruar si vepër penale “shkaktim i rrezikut të përgjithshëm” ndërsa prokurori publik i prokurorisë së Qarkut në Mitrovicë është informuar lidhur me detajet e rastit të regjistruar.
Drejtat e ktij Forumit:
Ju nuk mund ti përgjigjeni temave të këtij forumi
|
|