Deri në vitin 2100 bota më e ngrohtë me 4 gradë

Banka Botërore paralajmëron se deri në fund të këtij shekulli, temperatura në mbarë botën mund të rritet me 4 gradë Celsius, nëse nuk do të merren masa të reja për të ndaluar ndryshimin e klimës.
Në raportin e saj organizata njofton se bota mund të përballet me rritjen e nivelit të detit, mungesën e ushqimit dhe ndryshimet ekstreme të motit.
Sipas parashikimeve të Bankës Botërore, rritja e temperaturës me 3 gradë ka mundësi të ndodhë, edhe në qoftë se të gjitha vendet e botës do të përmbushin angazhimet për reduktimin e emetimeve të gazit me efekt serrë.