Indi, një burrë qëllon për vdekje adoleshenten, pasi urinon në afërsi të portës së shtëpisë së tij

Një adoleshente në kryeqytetin indian, Delhi, është qëlluar për vdekje nga një burrë, të cilin vajza e pa duke urinuar tek porta e shtëpisë së saj.

Sipas BBC, burri, që jeton në të njëjtën godinë, qëlloi dhe plagosi edhe nënën e vajzës. Incidenti ndodhi në lagjen e superpopulluar Nizamuddin.

Policia tha se është në kërkim të burrit, që është arratisur pas ngjarjes.

Vajza 17 vjeçare, Binoo dhe mamaja e saj, Sadmani, 40 vjeç, patën debat me vrasësin.

“Dy familjet jetojnë në të njëjtën godinë. Vajza dhe mamaja e saj e panë burrin që po urinonte pranë portës së shtëpisë. Kjo solli sherrin mes tyre. Burri shkoi në shtëpi duke thënë se do ta shohim këtë dhe u kthye me një pistoletë, duke qëlluar mbi femrat. Vajza vdiq kurse mamaja është plagosur,” tha një zyrtar i policisë.

Policia thotë se mes tyre nuk ka pasur kurrfarë debati tjetër.