Argjentina “dëbohet” nga skena

Argjenina Ramosaj ka lënë skenën kokëposhtë gjatë koncertit të mbrëmshëm festiv në qendër të Tiranës, pasi që asaj iu ndal kënga në mes të performancës.

Koncerti i djeshëm për hir të 100 vjetorit të pavarësisë së shtetit shqiptar kishte përgatitur një repertor mjaft të gjatë, me performanca të këngëtarëve nga të gjitha vendet shqiptare.
Por jo të gjithë u ndanë të kënaqur me performancat e tyre. Ramosaj, si e ftuar që ishte, doli dy herë në skenë, të dytën herë për të kënduar edhe një këngë të saj, mbase për të mos e lënë skenën të zbrazët një kohë, në pritje të ardhjes së yllit ët mbrëmjes, Rita Ora.

Dhe rikthimi në skenë nuk ishte aq i këndshëm për të, pasi Argjentinës iu ndal kënga dhe kjo gjë e detyroi të dilte nga skena. Kjo ndodhi pasi në ato momente në prapaskenë kishte arritur Rita Ora së bashku me kryeministrin e Shqipërisë, Sali Berisha, të cilët dolën së bashku për një “përshëndetjeje” në skenë.
Rita më pas u rikthye me vonesë, duke lënë skenën të zbrazët edhe për dhjetëra minuta, para se ta ndezë atë më vonë me disa prej hiteve të saj.

Sa keq me vjen per Argjentinen, plus qe eshte kengetare e mire eshte edhe alamet goce