Gruaja dhunon bashkëshortin më keq pas 'urdhrit të mbrojtjes'

KORÇË - E kishte denoncuar bashkëshorten e vet në polici, me shpresën se pas kësaj do të shpëtonte përfundimisht nga dhuna psikologjike e partneres, por në të vërtetë nuk kishte ndodhur kështu. 57-vjeçari nga Korça, me inicialet A F, ishte gjendur sërish përballë agresivitetit të gruas së tij. Ishte kjo arsyeja që ai do të kërkonte përsëri ndihmën e policisë, sepse ajo nuk po denjonte të respektonte as ligjin.

Fal denoncimit të tij, 57-vjeçari kishte marrë nga Gjykata e Rrethit Gjyqësor Korçë ‘urdhrin e mbrojtjes’, por pikërisht pas daljes së këtij vendimi, bashkëshortja e tij ishte bërë edhe më agresive. Sipas deklarimeve të 57-vjeçarit në polici, bashkëshortja e tij e kishte shkelur në mënyrë të vazhdueshme urdhrin e mbrojtjes, duke e fyer në mënyrë të përsëritur. Edhe pse kishte kërkuar ndihmën e organeve të drejtësisë, përsëri nuk po gjente qetësi.

Për sa më sipër, burime të policisë bënë të ditur se tashmë ndaj 51-vjeçares ka filluar procedimi penal në gjendje të lirë për veprën penale “pengim të ekzekutimit të vendimit të Gjykatës”, parashikuar nga neni 320 i Kodit Penal, ndërsa materialet e përpiluara do t’i kalojnë Prokurorisë së Rrethit Gjyqësor Korçë për ndjekje të mëtejshme. Tashmë pas denoncimit të dytë, 57-vjeçari shpreson të mos përballet më me dhunën e gruas së tij.

Burime të policisë bënë të ditur gjithashtu, se ndërkaq u plotësua edhe një kërkesë-padi tjetër për lëshimin e ‘urdhrit të mbrojtjes’, i menjëhershëm për shtetasen K.K., 24 vjeçe, banuese në Vashtëmi të Korçës, sepse bashkëshorti i saj, shtetasi G.Kroza., 25 vjeç, banues në Voskop, për motive xhelozie kishte ushtruar dhunë fizike e psikologjike ndaj saj, ku veç kësaj e kishte kërcënuar edhe me fjalë.

Vepra penale e konsumuar në këtë rast, shpjeguan burimet, është ajo e “kanosjes”, parashikuar nga neni 84 i Kodit Penal. Për sa më sipër materialet hetimore do t’i referohen Prokurorisë së Rrethit Gjyqësor Korçë për ndjekje të mëtejshme.

/Shekulli Online/Përgatiti: Vepror Hasani/M.A./

Po prandaj nuk denoncojn grate ketu ne shqiperi se kan frik se do hane me shum dajak pas denoncimit, nejse ky eshte raste i rralle ku grja e paska rrahur

u dashka pas kujdes me korcaret

Ky eshte gabimi ne Shqiperi, ose do jape drru burri ose do jape drru gruaja!!!

Silloni si njerez o te mire, o te marre, o te uruar, se late nam!!!