Lindin katërnjakët identikë, ndodh 1 në 13 milionë herë

Kim, Laura, Jasmin e Sophie janë katërnjakët gjermanë shumë të veçantë, sepse përfaqësojnë një fenomen të rrallë. Këta katër fëmijë homozigote, domethënë identike, të ngjizur në mënyrë natyrale, janë diçka vërtet e veçantë, sepse kjo ndodh vetëm 1 herë në 13 milionë raste.Ndër të tjera, të dhënat tregojnë se ndër 1000 lindje, 14 janë binjake dhe 2/3 janë heterozigote. Binjaket heterozigote ngjajnë si dy vëllezër normalë, ndërsa ata homozigotet janë krejt identikë. Këta monzigote rrjedhin prej një qelize të vetme veze të fekonduar nga një spermatozoid i vetëm, prandaj janë me gjini të njëjtë dhe zotërojnë të njëjtën pasuri gjenetike. Lindje të tilla si kjo e regjistruar në Gjermani janë fenomen tepër i rrallë, aq sa rasti i parë botëror u fiksua në vitin 1997 në SHBA, me lindjen e shtatnjakëve.