21 dhjetori, fundi i botës apo festë? Ja cdo të ndodhë

Panik apo feste? Miliona vetë në mbarë botën po përgatiten për fundin e kalenadarit Maja dhe disa thonë edhe fundin e botës. Kanë mbetur vetëm 9 ditë deri në 21 dhjetor, fundi i këtij kalenderi dhe qe nga Kina deri ne Kaliforni, mijëra njerëz po përgatiten për atë që cilësohet si ditë profetike. Në fakt Majat nuk kanë treguar shumë për atë çka do të ndodhë pas kësaj datë kur përfundon dhe cikli 5125 vjecar.

Kështu nga boshllëku i informacionit kanë shpërthyer shkrimtare okulte, bloger dhe vizionare të Epokës së Re që parashikojnë lloj lloj mënyrash ndryshimi që nga fundi i botës e deri tek një epokë e re ndriçimi. Interneti ka ndihmuar në përhapjen e çmendurisë dhe imagjinatës dhe njëkohësisht përhapjen e mitit se në Pirenete Franceze fshihet një anije aliene qëë do të jetë i vetmi shpetim për shkatërrimin që na pret. E ndërsa dita e madhe po afrohet, qeveri e shkencëtarë janë mobilizuar për të evituar ndonjë tragjedi. Madje edhe agjencia amerikane hapësinore NASA ka ndërhyre duke postuar ne YouTube një video një orëshe, ku thuhet se Toka ia ka dalë shumë mirë për 4 miliardë vjet, - dhe shkencëtarët e besuar, në të gjithë botën, e dinë se nuk ka asnjë kërcënim, që lidhet me vitin 2012”.

Origjina e predikimeve për fundin e botës lidhet me historinë mbi Nibirun, planetin e zbuluar nga sumerët, i cili i është drejtuar Tokës. Por sipas NASA-s, nuk ekziston një planet me këtë emër, apo planeti X. Nëse do të ekzistonte, shkencëtarët do ta kishin parë. A do të ketë një blackout të plotë mbi Tokë nga 23-25 dhjetor? NASA përgjigjet sërish jo. A mund të rreshtohen planetët në një mënyrë të tillë, që do të ndikojnë Tokën? NASA dhe shkencëtarët e saj thonë se nuk do të ketë një rradhitje në një vijë të planeteve, madje as në dekadat e ardhshme, por edhe nëse kjo mund të ndodhë, efektet e tyre mbi Tokën do të jenë të papërfillshme. NASA i referohet vitit 1962, 1982, 2000... Në çdo muaj dhjetor, Toka dhe Dielli radhiten me qendrën më të afërt të Galaktikës “Rruga e Qumështit”, por ky eveniment nuk sjell asnjë pasojë. Keshtu sipas NASA-s Nuk ka asnjë të dhënë të besueshme, për të gjithë pohimet e bëra, që mbështesin se një ngjarje e jashtëzakonshme, apokaliptike, do t’i ndodhë planetit dhe njerëzimit në 21 dhjetor 2012. Kështu NASA përshkruan të gjitha pikat apokaliptike një pas një duke i dhënë një përgjigje të gjitha pikëpyetjeve -Jo! Bota nuk do të përmbyset në 21 dhjetor.
/e.m

21 dhjetori nuk do te ndodh asgje kjo dit do te kalon si gjdo dit tjeter nuk ka arsye te festohet as te frigohet askush nuk ka mekat me imadh se te perzihemi ne punte allahut sepse fundi botes do te ndodh at dit kur ta vendos allahu i madhrishum