Bledar Sejkos dhe Adrian Lulgjuraj triumfojnë në Festivalin e RTSH-së

Ka përfunduar mbrëmjen e djeshme në Pallatin e Kongreseve, në Tiranë, Festivali i Këngës në RTSH ku ka triumfuar balada “Identitet” e Adrian Lulgjuraj e Bledar Sejkos. Interpretimi i tyre ka qenë i mrekullueshëm që në performancën e tyre të parë. Shoqëruar me një lum dritash në skenë, pa harruar ritmin, duartrokitjet dhe performancën e tyre, ata pushtuan skenën dhe sallën me tingujt e melodinë që përcollën.
Ata kanë marrë pikët maksimale të 5 nga 7 anëtarët e juries duke u bërë kështu edhe këngëtarët e radhës që do të përfaqësojnë Shqipërinë në Eurosong.
Çmimin e dytë të festivalit e ka fituar Anjeza Shahini me këngën “Love”, ndërsa të tretin Hersiana Matmuja “Kush ta dha këtë emër”.alb-observer.com/