Ministri serb pranon se Libia është afër njohjes së Kosovës

Mon 7 Jan 2013 - 1:33

Zëvendëskryeministri dhe ministri i Tregtisë së Jashtme e të Brendshme dhe të Telekomunikacionit të Serbisë, Rasim Lajiq u takua në kryeqytetin Tripoli me zyrtarët e qeverisë së Libisë, të cilët, siç tha ai, janë nën presion që ta njohin pavarësinë e Kosovës. ”Ministri Jashtëm libian më tha troç se ata janë nën presion të madh nga vendet në rajon dhe vendet perëndimore që ta njohin pavarësinë e Kosovës. Unë i thash se po zhvillohet një dialog intensiv mes Beogradit dhe Prishtinës në Bruksel dhe se ne nuk do ta vlerësojmë mirë hapin që Libia ta bëjë këtë”, transmeton Blic fjalët e Lajiqit.

Kjo tregon se Serbia dëshiron vazhdimisht të caktojë bisedime të reja me Kosovën, në mënyrë që të pengojë dhe zvarrisë njohjet ndërkombëtare të Kosovës, me pretekstin se kjo është një çështje e pazgjidhur dhe se do të zgjidhet me bisedime, andaj nuk ka nevojë për nguti!