Oxhalan ju bëri thirrje anëtarëve të PKK-së që t'i ndërprejnë sulmet

Lideri i Partisë Punëtore Kurde Abdulla Oxhalan dha urdhër deri
te anëtarët e grupacionit të ndalojnë me kryerjen e sulmeve dhe të
tërhiqen nga bazat në Irakun Verior, shkruan gazeta tukre "Sabah".



Informacioni është publikuar pas takimit të Oaxhalanit me dy deputetë
tur1 me origjinë kurde në burgun e ishullit Imrali javën e kaluar.



Deputetja e Partisë prokurde për Paqe dhe Demokraci, Ajla Akat dhe
deputeti i pavarur Ahmet Turk shkuan në ishull, ku rreth dy orë e gjysmë
kanë biseduar me Oxhalanin.



Lideri i kryengritësve kurdë ka shfaqur shpresë se procesi negociues,
i cili për momentin po udhëhiqet midis tij dhe zbulimit turk, do të
çojë deri te paqja e përhershme.



"Po përpiqem të veprojë në mënyrën në të cilën nuk do të prishen urat
midis Turqisë dhe kurdëve. Janë të nevojshme veprime mjaft të
kujdesshme me qëllim që të pengohet vdekja e të rinjve", deklaroi
Oxhalan.



Ai ju bëri thirrje aktivistëve kurdë në Irakun verior dhe në Evropë të mos shkaktojnë provokime.



Qeveria turke kumtoi nga fundi i muajit të kaluar se agjencia për
zbulim MIT negocion me Oxhalanin me qëllim që ai ta bindë PKK-në që t'i
dorëzojë armët.