Messi shkruan historine, fiton “Topin e Artë 2012”

Mon 7 Jan 2013 - 20:48

Gjeniu
argjentinas Lionel Messi ka shkruar historinë e re në futbollin
botëror, pasi ka fituar për të katërtën herë radhazi ‘Topin e Artë’.
Federata Ndërkombëtare e Futbollit të hënën në një gala mbrëmje të
mbajtur në Zurich, ka ndarë çmimet për më të mirët e vitit 2012.

Ylli i Barcelonës, ka fituar garën ndaj rivalit portugez, Cristiano
Ronaldos dhe mesfushorit spanjoll, Andres Iniesta. Messi, i cili është
lojtari i parë në historinë e futbollit që ka fituar katër herë radhazi
çmimin e lojtarit më të mirë të vitit, ai në vitin që tashmë ka ikur ka
thyer një mori rekordesh, madje ka thyer edhe rekordin e legjendës
gjermane, Gert Muller duke shënuar 91 gola brenda një viti kalendarik.
Aktualisht Messi i prin listës së shënuesve më të mirë në La Ligë me 26
gola të shënuara. Reprezentuesi argjentinas tashmë nga njohësit e
futbollit botëror konsiderohet lojtari më i mirë i të gjitha kohërave.
Kurse epitetin e futbollistes më të mirë në botë, e ka fituar lojtarja e
amerikane, Abby Wambach. Ndërkaq, selektori i Spanjës, Vicente Del
Bosque është zgjedhur trajneri më i miri i vitit që tashmë e kemi lënë
pas. Spanjolli fitojë garën ndaj Jose Mourinhos (Real Madrid) dhe Pep
Guardiola (ish-trajneri i Barcelonës). Kurse trajnere e viti është
zgjedhur përzgjedhësja e Amerikës, Pia Sundhage. Gjithashtu FIFA ka
zgjedhur edhe ekipin më të mirë për vitin 2012. Skuadra më e mirë e
zgjedhur nga shtëpia më e madhe e futbollit botëror kryesisht është e
përberë nga lojtarët e Barcelonës dhe Real Madridit, skuadra këto që
aktualisht janë më të mirat në rruzullin tokësor. Ja skuadra e zgjedhur
nga FIFA: Casillas, Alves, Ramos, Pique, Marcello, Alonso, Xavi,
Iniesta, Messi, Falcao, Ronaldo. Ndërkohë, çmimin për golin e më të
mirit për vitin e kaluar të njohur si çmimi “Pushkash” e ka fituar
Miroslav Stoch i Fenerbahçes. Goli i tij u vlerësuar më i mirë se i
Neymarit dhe Falcaos.