Aksion i madh policor në Haraçinë dhe Hasanbeg, dhjetra të arrestuar

Aksion i madh i policisë zhvillohet në fshatin Haraçinë dhe lagjen Hasanbegut të Shkupit.

Sipas informatave të para bëhet fjalë për aksion i cili për qëllim ka
ndërprerjen e një vije internacionale të trafikut me drogë, disa
persona figurojnë si të arrestuar në aksionin policorë.

Sipas zëdhënësit të MPB-së Ivo Kotevski, deri tani janë arrestuar 10
persona, dhe se aksioni në fjalë do të vazhdon gjatë gjithë ditës edhe
atë nëpër të gjitha qytetet e Maqedonisë.

-Është e konfirmuar, domethënë bëhet fjalë për vazhdimin e aksionit
që e zhvillojmë në bashkëpunim me policinë austriake kundër shkatërrimin
e kanaleve të trafikimit të mjeteve narkotike (heroinë), konkretisht në
lidhje me Mafian e Frankfurtit dhe personat e involvuar në mafian. Deri
tash janë arrestuar 10 persona, mirëpo ky aksion vazhdon edhe më tej në
të gjitha qytetet e Maqedonisë, ku nesër do të dalim me kumtesë të
veçantë për këtë aksion, deklaroi Ivo Kotevski, zëdhënës i MPB-së.

Sipas informatave të deritanishme bëhet fjalë për arrestime të cilat
bëhen në sinkronizim së bashku me vendet tjera ku gjithashtu po
arrestohen bashkëpunuesit e tyre.

Më shumë informata nga MPB-ja paralajmërohen në pres konferencën në
të cilën do të marë pjes edhe ministri për financa Zoran
Stavreski./Shqipmedia