Xhandarmëria serbe hoqi përmendoren e UÇPMB-së në Preshevë

Mijëra forca speciale të xhandarmerisë serbe sot në ora 07 të mëngjesit kanë larguar përmendoren e vendosur në qendër të Preshevës. Nga ish tregu i vjetër e deri tek rruga që shpie deri tek qendra, në rrugën Ramiz Sadiku nga rruga e fshatit Rahovicë deri tek qendra dhe ajo që shpie rrugës për Gjilan kanë qenë të bllokuara nga mijërsa forca speciale. Xhdandermeria e largoi dhe mori me vete edhe përmendoren duke e dërguar në lokacion të panjohur dhe pastaj u largua nga qendra e Preshevës. Gjatë këtij operacioni ishte i pranishëm edhe komandanti i xhandarmerisë së Serbisë, Bratisllav Dikiq, i cili nuk ka dashur të prononcohet për media. Nga ana tjetër, në njoftimin e qeverisë së Serbisë, theksohet se “përmendorja e ngritur në mënyrë ilegale”, sot është larguar nga qendra e Preshevës dhe se aksioni ka kaluar pa incidente. Presheva.com