Në prill albumi i ri i Carla Bruni

Albumi i ri i Carla Bruni do të titullohet “Little french songs” dhe do të dalë në prill nën etiketën e “Barclay”, shtëpia prestigjoze diskografike e Universal Music.

Lajmin e bën të ditur e përjavshmja ekonomike franceze “Challengs”, në edicionin e saj të internetit. “Kontrata është firmosur të martën në Paris nga këngëtarja dhe drejtuesit e kompanisë”, njofton gazeta.

Por burimi shton se palët nuk do të bëjnë publike vlerën financiare të kontratës dhe as interesat që ish-zonja e parë do të ketë nga shitjet.