Ofendime raciste e shkelma ne fytyre, shqiptari bie ne koma

Artan Meta, viktima 45-vjeçare e sherrit, ishte punonjës i barit "Mondial" në Villasor.
Një shqiptar 45-vjeçar, tepër i adhuruar në qytezën e Villasor, është shtruar në Reanimacion, në gjendje kome. Gjithçka ka ardhur si përfundim i një debati, që ka pasur me një klient. Viktima me kombësi shqiptare dhe me profesion shitës në një bar, i tërhoqi vëmendjen klientit, i cili goditi makinën shpërndarëse të cigareve, që nuk i kishte dhënë kusurin për blerjen e bërë.
Si pasojë e kësaj ka nisur një diskutim i zjarrtë, që ka përfunduar me sharje raciste dhe me shkelma në fytyrë ndaj atij që është identifikuar si Artan Meta, i cili ishte punonjës i barit "Mondial". Viktima e agresionit është transportuar menjëherë në spitalin e Brotzu në Kaljari, ku është shtruar për reduktimin e një emtatome të zgjeruar në kafkë. Tami gjendet i shtruar në gjendje kome farmakologjike. Episodi ndodhi sot në mëngjes dhe protagonist i agresionit ishte një 18-vjeçar, i cili është denoncuar në prokurori për shkaktimin e dëmeve të rënda.