Adem Jashari e ka deklaruar hapur veten ushtar i Ibrahim Rugovës

Me Adem Jasharin jam takuar dhe kam biseduar disa herë në zyrat e Përfaqësisë së Kosovës që ishin në godinën e Muzeut Kombëtar, dhe jashtë tyre.

“Bota sot”: Kam një pyetje e cila shtrohet nga shumë shqiptarë, e kjo është: rreth fotografisë e cila shumëzohet me mijëra kopje, ku është Presidenti Rugova, Adem Jashari, Ju dhe disa të tjerë. Çfarë keni për t’ju thënë lexuesve të shumtë rreth kësaj fotografie?

Skender Zogaj: Është fjala për një fotografi me origjinalitet të pakontestueshëm, e cila është bërë në Aeroportin e Tiranës, më 15 mars 1993, gjatë vizitës së Presidentit Ibrahim Rugova në Shqipëri, me rastin e takimit me gazetarët, ku Mehmet Kraja, si përfaqësues i Zyrës së Republikës së Kosovës, unë si bashkëpunëtor ndihmës i z.Kraja dhe Adem Jashari që në Shqipëri ndodhej me rastin e përgatitjeve ushtarake, ishim aty zyrtarisht, si delegacion për pritjen e Presidentit Rugova. Publikimi i parë i kësaj fotografie, për çudinë, i shqetësoi shumë disa kuluare të UÇK-së, që foton u përpoqën ta quajnë foto-montazh! Gënjeshtra rrugaçësh smirëzinj dhe primitivë, që nuk mund ta duronin Adem Jasharin afër dr. Ibrahim Rugovën. Të këtillëve më duhet t’ju them, Adem Jashari e ka deklaruar hapur veten ushtar i Ibrahim Rugovës, me fjalë e me shpirt. Në pritje ishte me dëshirën e tij dhe me gëzim të flaktë për ardhjen e Presidentit, që, me sa mbaj mend, e quante “Komandanti”! E di saktë, sepse në Tiranë kam vajtur më 24 shkurt 1993 dhe, me Adem Jasharin jam takuar dhe kam biseduar disa herë në zyrat e Përfaqësisë së Kosovës që ishin në godinën e Muzeut Kombëtar, dhe jashtë tyre. Kjo është e vërteta e kësaj fotografie, që padyshim është historike, sepse i ka dy burrat më të mëdhenj të historisë së Kosovës, Ibrahim Rugovën dhe Adem Jasharin, deshën apo nuk deshën dikushët!


(Tekstin e plotë mund ta lexoni të mërkurën në publikimin e shtypur të gazetës kombëtare “Bota sot” botimi i Diasporës – Perëndimit)

Abonohuni në gazetën “Bota sot”. Mundësitë e abonimit janë në Zvicër e Gjermani.

e lexova kete shenim pa pas ndermend fare....
Legjenda nuk paska lonen forumin qe mbreme ?
a jam gabim um a pash nje shenim qe thoshte un po e le forumin ?
eeeee sa u gzova qe ende gjindet ne mesin e engjujve Legjenda !!!!!