Gjërat që bëni për t’u dobësuar mund t’ju shëndoshin më shumë

Nëse mendoni se disa ndryshime në sjelljen tuaj, si ecja për disa kohë apo vrapi i lehtë,do t’ju bëjnë të hiqni disa kilogramë më shumë, e keni shumë gabim. Sipas një studimi të fundit të publikuar nga ‘The New England Journal of Medicine’, çdo gjë që ju mendoni se dini mbi peshën dhe humbjen e saj, në të vërtetë nuk është aspak e vërtetë, bën të ditur “Yahoo”.

Mitet mbi mbipeshën janë mitet që thyejnë rekord në gjithë botën, sepse këto janë mitet më të shpeshta në gjithë botën dhe gjenden kudo,bëri të ditur për “The New York Times” Dr. Jeffrey Friedman, një studiues i mbipeshës nga “Rockfeller University”.

Sipas studimit, janë pikërisht këto mite urbane që na bëjnë ne të shëndoshemi, është pikërisht besimi ynë në ta. Një nga mitet që ekziston është se ngrënia e frutave na dobëson. Ne fakt, ngrënia e frutave në mënyrë të pakontrolluar mund të bëjë pikërisht të kundërtën.

/Shekulli Online/ Përgatiti R.K./