Fëmijët në spital lidhen me litar pas krevatit

Imazhet që do të shikoni janë vërtetë shokuese. Ato i përkasin një spiatli në Rumani dhe duket qartë se si fëmijët janë të lidhur me litar pas hekurave të krevatit. Videoja e fsheht e relizuar në këto ambiente spitalore është trasmetuar në shumë kanale rumune dhe kanë shkaktuar zemërim në mbarë opinionin publik.
Këto pamje për nënat rumune ishin të ngjashme me realitetin e 300 mijë jetimëve që mbaheshin të lidhur gjatë regjimit diktatorial të Nicolae Ceausescu-t.
Nga imazhet duket se si fëmijët qajnë dhe stafi mjekësor injoron rënkimet dhe të qarat e bebeve, duke qëndruar indiferentë.

Pas publikimit të lajmit ka reaguar menjëherë drejtori i spitalit të qytetit Buzau, duke u shprehur se fëmijët ishin me zhvillim mendor të kufizuar dhe ishin të detyruar të bënin këtë veprim. Por gjithsesi justifikimi nuk është normal, kur bëhet fjalë për minorenë. Pas videos tronditëse, policia nisi hetimet në spital dhe kryetari i lokalitetit, Cristinel Bagiu tha: “Kushdo që ka bërë këtë gabim ka për të paguar”. Deri tani nuk është arrestuar asnjë nga stafi mjeksor, por hetimet po kryhen intesisht./alb-observer.com/