Majmunët xhirojnë filmin e tyre të parë

Programi televiziv BBC 2, të mërkurën, do të emetojë filmin e parë, të cilin në tërësi e kanë xhiruar shimpanzetë, që shfaqet në kuadër të dokumentarit “Chimpcam”.

Studiuesja Betsy Herrelko, nga Universitet Stirling në Britani të Madhe, qëndron prapa gjithë këtij projekti, ndërsa ideja e saj ishte që shimpanzeve t’u jepet kamera dhe në këtë mënyrë të kuptojë se si e shohin ato botën që i rrethon.

Shimpanzetë nga kopshti zoologjik në Edinburg për 18 muaj me radhë, nëpërmjet lojës, kanë shfrytëzuar kamerën e ashtuquajtur Chimpcam.