Personi që vrau kryeterroristin Bin Laden: “Amerika më braktisi, familja ime është e pambrojtur”

Ushtari Forcave Speciale që qëlloi për vdekje kryeterroristin Osama Bin Laden ka ngritur akuza kundër Amerikës. Ai është shprehur se ndihet i braktisur dhe nuk ka marrë ndihma financiare apo sigurime shëndetësore teksa ai përpiqet që t’i kthehet jetës civile.

Ushtari, identiteti i të cilit nuk bëhet me dije ka dhënë një intervistë për revistën amerikane “Esquire” ku tregon se: “Kjo bëri që sigurimet shëndetësore për mua dhe familjen time të ndërpriteshin menjëherë. Më thanë vetëm një faleminderit që shërbeve për 16 vjet në keto shërbime”.
Ai e quan të padrejtë që familja e tij është lënë e pambrojtur nga shteti, pasi ishte pikërisht ai personi që qëlloi mbi kryeterroristin Osama Bin Laden. Ish-komandoja kreu operacionin së bashku me ushtarët e tjerë të forcave speciale në Abbotabad të Pakistanit më 2 maj 2011 duke qëlluar për vdekje terroristin më të kërkuar të botës./alb-observer.com/