Elbasan, xhelozia mes të moshuarve, gruaja ekzekuton me çifte burrin 67- vjeçar

Një person është gjetur i vrarë me armë zjarri në Elbasan. Ngjarja e rëndë ka ndodhur në fshatin Xibrakë, komuna Labinot Fushë, ku shtetasi, Faik Poka, 67 vjeç është gjetur nga bashkëshortja e tij, i pajetë në oborrin e banesës, i qëlluar me armë zjarri.

Nga hetimet paraprake dyshohet se viktima është qëlluar me çifte me dy plumba; një në kokë dhe një në gjoks. Ndërkohë burimet policore bëjnë me dije se bashkëshortja dyshohet si autorja kryesore e vrasjes, ku menjëherë është bërë shoqërimi i saj dhe disa të afërmëve në komisariat, ndërkohë që policia po heton në pistën e krimit brenda familjes.

Pas hetimeve intensive, policia zbardh vrasjen e Faik Pokës. Sipas burimeve policore vrasja është kryer nga bashkëshortja e tij, Fatmira Poka, e cila mendohet të ketë qenë në gjendje depresive.

Madje sipas dëshmisë së fqinjëve, bashkëshortja e tij, vuante prej kohësh nga depresioni. Çifti Poka jetonte i vetëm ndërsa 6 fëmijët e tyre, 5 djemtë dhe vajza jetojnë në emigracion.

/Shekulli Online/Përgatiti: B.M./

Po keta kan ik per lesh per zotin...i ka kap mania e ekzekutimeve brenda familjes.

Njeriu vdes dy here,nje here kur i vdesin argumentet,se dyti kur i vdes shpirti,kur te vdesin argumentet eshte njesoj,si te godit plumb,si te rrosh kot,ketij plakushit i ka vdekur argumenti,pastaj gruaja eshte bere depresive dhe e ka qelluar