Hapat drejt një lidhjeje më të mirë!!!

Mundohuni të jeni i pranishëm
Shpesh e rrezikoni lidhjen tuaj pa e ditur pse, kjo për shkak se e përdorni telefonin apo pajisjet tjera teknologjike derisa jeni duke biseduar me partnerin. Kemi thënë shumë herë se kjo e dërgon mesazhin e gabuar se jeni të painteresuar dhe nuk jeni të fokusuar në bisedë.

Mbani kontakt me sy
Sytë janë dritarja e shpirtit – apo mos janë sytë dritarja për intimitet? Kur shikoni në sytë e partnerit tuaj derisa ai flet në këndin tjetër të tryezës, ju jeni shumë më shumë se thjesht të përqendruar në bisedë, ju jeni intim me të. Kontakti në sy është çelës në shoqërimin tonë me të tjerët.

Afeksioni fizik
Nëse e shprehni një afërsi dhe afeksion fizik, jo vetëm që do ndiheni mirë, por do të keni rritje të krijimit të hormonit oksitonin. Ky hormon njihet ndryshe si “hormoni i dashurisë” për shkak se ai na jep efektin e ndjenjës së mirë, por ndihmon edhe në krijimin e lidhjes romantike.

Bëhuni të afërt
Edhe ndarja e mendimeve dhe ndjenjave ndihmon shumë në kahun që do të ketë lidhja juaj. Ndajini të gjitha gjërat që keni brenda, që ju shqetësojnë apo gëzojnë, besimet dhe ëndrrat. Një filozofi e përbashkët e jetës ndihmon edhe në afrimin shpirtëror tuaj.