Nis “klonimi” i Titanic

Miliarderi australian, Clive Palmer nisi nga puna “klonimin” e Titanic, anijes gjigante trans-atlantike që u fundos tragjikisht në vitin 1912, në udhëtimin e parë të saj nga Anglia drejt Amerikës.

Palmer punësoi dhjetra inxhinierë që pasi studiuan imtësisht skicat e ndërtimit të Titanic, dorëzuan projektin. Ky projekt po jetësohet në Kinë nga CSC Jinling Shipyard. Miliarderi australian thotë se puna për ndërtimin e anijes e shndërruar në mit edhe falë filmit të 1997 të James Cameron, do të përfundojë në vitin 2016.

Ai shprehet optimist se në muajt e fundit të po këtij viti, Titanic II do të niset nga Sauthemptoni drejt Nju Jorkut, i njëjti udhëtim i “binjakes” së saj, por me ndryshimin e vetëm që Titanic II do të mbërrijë në destinacion, nuk do të fundoset.
Sipas raportimit të mediave në anije nuk do të ketë internet, as televizor, as celularë…dhe e sigurtë është që nuk do të jetë as Leonardo Di Caprio dhe Kate Winslet.

SHBA- Ideja e mandatit australian Clive Palmer për të për të ‘ringjallur’ anijen Titanic, duket se do bëhet realitet.
Daily Mail shkruan se ndërtimi i Titanic II ka nisur tashmë dhe në vitin 2016 ajo do niset sërish për udhëtim, duke përshkuar të njëjtin itinerar si Titanic në 1912.

Është komplet e ngjashme me të parën, por ka si përparësi numrin më të madh të varkave të shpëtimit.

Mësohet se udhëtimi 6 ditor i saj do të nisë në fund të 2016 nga Southampton në Nju Jork, për të cuar deri në fund udhëtimin e nisur nga Titanic në 1912

Anija do të ketë tre klasa udhëtarësh, ashtu si e para, ndërsa në bord pasagjerët do pajisen me veshjet e kohës. Nuk do të ketë ajër të kondicionuar, as internet dhe as TV, për të risjellë ‘romancën’ e dikurshme.

Kapaciteti i anijes do jetë për 2435 pasagjerë dhe ekuipazhi 900 vetë. Mësohet se do të ketë rreth 2700 barka shpëtimi, me një kapacitet 800 persona për barkë ndërkohë që Titanicu i 1912-ës kishte vetëm 16 të tilla, që mbante një të tretën e kapacitetit total.

Prenotimet për të udhëtuar me të kanë nisur dhe sipas projektuesve nuk janë të pakët pasagjerët që kanë rezervuar.
ballkanweb

"Anija Titanic sërish në lundrim, në vitin 2016"
me
"Nis “klonimi” i Titanic"

temat u bashkun