Rupert Sanders, mesazhe Kristenit

Kristen Stewart nuk do që të nisë një marrëdhënie të re me regjisorin Rupert Sanders, me të cilin pati një histori vitin e kaluar. Edhe pse kërkoi falje dhe u bashkua sërish me të dashurin e saj Robert Pattinson, aktori britanik i dha fund lidhjes muajin e kaluar.

Ndërsa martesa e Rupert Sanders duket se ka përfunduar pasi bashkëshortja e tij ka kërkuar divorcin. Sipas ‘The Sun’, regjisori i ka dërguar e-mail-e dhe mesazhe në celular aktores, por Kristen shpreson ende të kthehet me Pattinson.

Një burim tha për tabloidin britanik: “Rupert kërkon të nisë një lidhje me Kristen tani që martesa e tij u shkatërrua, por ajo nuk do t’ia dijë për të. Nuk i është përgjigjur mesazheve të tij. Ajo është penduar që u “mpleks” me të për dhimbjen që i shkaktoi Robertit dhe skandalit që u përhap.”

“Kristen do të donte që gjërat mes saj dhe Robert të ktheheshin si më parë, por duket se kjo është më e vështirë seç e kishte menduar”, shton burimi.