Finale e Champions 2014 në “Camp Nou”!

Thu 2 Dec 2010 - 16:20

Barcelonë, 2 dhjetor – Barcelona pas fitores bindëse 5:0 kundër Realit të Madridit është motivuar edhe për një veprim tjetër. Në fakt, presidenti i Barcelonës, Sandro Rosell ka ndërmend të prezantojë kandidaturën e Barcelonës për finalen e Champions League për vitin 2014.

Në 2011-n finalja do të luhet në Ëembley, në 2012-n në Monako dhe në 2013-n në Kiev. Kjo do të ishte finalja e tretë që do të luhej në Barcelonë, pas asaj të 1989-s (Milan-Steaua Bukuresht 4-0) dhe asaj të 1999-s (Manchester United-Bajern 2-1).

Rosell ka theksuar se Barcelona e meriton një gjë të tillë pasi ka kapacitetet të mjaftueshme, ndërsa është një prej vendeve ku futbolli është pasioni më i madh. Stadiumi “Camp Nou” ka kapacitet për 99 mijë shikues në tribuna.