Lodhja, truri njoftohet përpara muskujve

TIRANE-Truri njoftohet për lodhjen para muskujve. Ky është përfundimi i një studimi të Universitetit të Farmakologjisë e Neurozave në Kopenhagen.

Kur ne jemi të lodhur apo kur një gjendje stresante përjetohet nga ne, sinjalet e para arrijnë në trurin tonë. Kjo ndodh në sajë të serotoninës, një transmetues nervor që vepron si 'benzinë' duke stimuluar trupin të veprojë fizikisht deri në një farë pike dhe më pas frenon si me 'frena dore' duke i thënë trurit se kur është momenti për të ndalur.

Kërkuesit danezë për herë të parë vërtetuan rolin e panjohur të serotoninës në procesin neurokimik që merr pjesë tek sportet dhe tek aktiviteti fizik i njeriut. Paradoks është dhe fakti që kjo u zbulua duke studiuar breshkën, si një nga kafshët më jetëgjata por edhe më të ngadalta. Nga kërkimet te kjo kafshë u zbuluan informacione shumë të rëndësishme në mënyrën sesi sillet sistemi nervor qendror dhe ai periferik në transmetimin e sinjaleve vendimtare, në momente shumë të vështira dhe që kërkojnë sforcim fizik.

"Ne kemi zbuluar sesi serotonina nuk është vetëm një hormon që vepron si rritës shpejtësie, por kur sforcimi bëhet ekstrem, është po ky hormon që dërgon sinjalin në tru, që ai të frenojë aktivitetin”, shpjegoi Jean François Perrier që së bashki me kolegët mendojnë që me këtë studim të luftojnë më pas dopingun.

(d.b/BalkanWeb)

Sa te kemi fakultetet ne na rrofshin studimet