Puna e ëndrrave, për 6 muaj paga 80 mijë euro

AUSTRALI – Rikthehet konkursi “Puna më e mirë në botë”, i cili është zhvilluar për herë të parë në vitin 2009 në Australi. Kësaj here kërkohen persona që do të paguhen 80 mijë euro për 6 muaj punë. Por cili do të jetë funksioni i tyre? Diçka që çdokush ëndërron ta bëjë çdo ditë.

Konkretisht pozicionet vakante janë: Mjeshtër i shijes dhe argëtimit, roje në një park natyral, mirëmbajtës i një ishulli me kangurë, fotograf trendy për rrugët e Melburnit.

Për të kandiduar mjafton të regjistroheni në faqen “Australian Working Holiday" në Facebook. Por mos u trembni nga fakti se do të ketë një dyndje të interesuarish, ndoshta do të jeni ju fatlumi.

Objektivi i organizatorëve është promovimi i bukurive natyrore australiane, për të tërhequr vëmendjen e vizitorëve përmes iniciativës Working Holiday Maker.

Në konkursin e organizuar në vitin 2009, fitoi 34-vjeçari nga Britania Ben Southall, i cili punoi për 6 muaj si mirëmbajtësi i një ishulli tropikal në Australi.

(er.nu/BalkanWeb)

Do te aplikoj