Për 8 vjet në Tiranë kanë falimentuar 4000 biznese të vogla

Lindita Nikolla ka deklaruar ditën e sotme se qeverisja e Berishës nuk është gjë tjetër veçse një dështim.
“Plot 160 000 të vetëpunësuar që mbijetojnë falë disa sipërmarrjeve aq modeste sa në fakt nuk mund t’i quash biznese, përballen sot me mundësinë reale të falimentimit për shkak të politikave të ndjekura në këto 8 vite nga kjo qeveri”, u shpreh anëtarja e kryesisë së PS.
Sipas saj, sot bizneset e vogla po shkojnë drejt falimentimit si pasojë e vendosjes së taksës së sheshtë e cila, praktikisht, bën që këto sipërmarrje të vogla familjare të kenë një barrë më të rëndë fiskale sesa bizneset e mëdha.

Pra, që dyqani i lagjes të paguajë më shumë se sa një rrjet gjigand supermarketesh.
“Rënia e fuqisë blerëse dhe varfëria kanë bërë që listat e borxheve në dyqanet ushqimore në total kapin një shumë prej afro 150 milionë eurosh.
Gjobat arbitrare dhe korrupsioni i organeve tatimore rëndojnë mbi biznesin e vogël edhe më tepër sesa taksat e detyrimet.
Si pasojë e rritjes të detyrimeve fiskale, jo në bazë të xhiros së deklaruar, por në bazë të vendimeve afrofe, selektive dhe klienteliste të organeve tatimore, të cilat pa kryer asnjë inspektim, pa dhënë asnjë paralajmërim apo argument, i vënë bizneset e vogla përpara një zgjidhjeje: paguaj ose të marrim frymën me gjoba!”
Po kështu Nikolla theksoi se vetëm në Tiranë kanë falimentuar mbi 4000 biznese të vogla si pasojë e politikave të ndjekura nga Sali Berisha në këto 8 vite. Ata që ende nuk i kanë mbyllur bizneset e tyre janë sot në një gjendje aq të dëshpëruar sa nuk mund të mbulohet as me propagandën e as me premtime.alb-observer.c

Ky eshte perparimi i Berishes, e me keq...