Dënohet për vrasjen e një rabini, lirohet pas 22 vjetësh si i pafajshëm

Një 58 vjecar amerikan u la i lirë nga një gjykatë në Bruklin, pasi u shpall i pafajshëm pas më shumë se dy dekadash pas hekurave. Në vitin 1991 David Ranta u shpall fajtor për vrajsen e një rabini hebre dhe kishte humbur të gjitha të drejtat për apelim, deri kur një dëshmitar i atëhershëm, deklaroi disa javë më parë se kishte gënjyer në sallën e gjyqit, lidhur me fajësinë e tij. Dëshmitari tha se kishte qenë një komisar policie që e kishte detyruar për të identifikuar Rantën si autorin e krimit. Kjo ishte dhe dëshmia që e fundosi atë.
”Zoti Ranta, të kërkosh ndjesë për atë që ju keni vuajtur është një nënvlerësim i madh, megjithatë më duhet ta them gjithsesi. Jeni i lirë dhe mos t’iu shoh më këtu”, deklaroi gjykatësja Miriam Cyrulnik, gjatë shpalljes së vendimit.

I lumtur për këtë drejtësi të vonuar Ranta tha për mediat se nuk di se cfarë do të bëjë tani pasi e kishte fjetur mendjen se do e kalonte gjithë jetën në burg.
“Për momentin më duket vetëm sikur jam nën ujë duke notuar. Emocionet më janë mbivendosur”, u shpreh 58 vjecari./alb-observer.com/

Une per vete kam nje besim dhe te madh per drejtesine dhe institucionet ligjore ne kte vend, por ja qe nuk eshte hera e pare qe fatkeqesisht dhe kta kane shkelur te drejtat e njeriut me ose pa vetdije...Fatkeqesi e madhe edhe pse me nje fund te lumtur,,, fati tij ta shijonte lirine e merituar me kohe qe iu mohua pa te drejte!!!