Itali: E dënuar për trafik droge, Liljana Kondakçi del nga burgu

Këngëtarja e njohur shqiptare, Liljana Kondakçi është riatdhesuar në Shqipëri. Sipas “Gazetadelasudd”, këngëtarja ka përfunduar dënimin e saj në shtetin fqinj me 2 vite dhe tetë muaj burg. Ajo ishte e akuzuar për trafik droge dhe u arrestua ne vitin 2010 në Selanik, pas një urdhër-arresti ndërkombëtar dhe më pas u ekstradua drejt Italisë.

Problemet me Liljanën lindën që në vitin 2006, kur këngëtarja u ndalua nga policia italiane pranë një stacioni hekurudhor me 3 kg kokainë. Mediat e huaja kanë shkruar se Kondakçiu ose e quajtur ndryshe si “mamaja e drogës” bënte trafik drogë dhe shfrytëzonte imazhin e saj për ti shpëtuar kontrolleve policore./alb-observer.com/

liljanakondakci1Lajme Vip-Këngëtarja e dashur e publikut shqiptar, Liljana Kondakçi është liruar nga burgu ditën e djeshme, duke shlyer kështu dënimin prej 2 vjet e 8 muaj burg në Itali, për akuzën e transportimit të lëndëve narkotike.

Siti italian “La Gazzeta del sud”, e cila bën publik lajmin, e përshkruan Liljanën si Minën shqiptare, teksa shton se nga Durrësi në Vlorë e nga Tirana në Elbasan nuk ka familje që mos të ketë në shtëpi një disk me këngë të saj.

Për shumë kohë në majat e suksesit në Shqipëri, Liljana si shumë artistë të tjerë zgjodhi të emigronte jashtë vendit, por pa u përpjekur për të çuar përpara karrierën e saj. Derisa në fund erdhi lajmi bombë dhe i pabesueshëm për shumë adhurues të saj se ajo ishte arrestuar në shtetin fqinj për transportim të lëndëve narkotike. Madje, këngëtarja ishte akuzuar se ishte pjesë e një organizate të fuqishme kriminale, e cila operonte në Europë.

Por pavarësisht kësaj, fansat e vet ende i dëgjojnë me nostalgji këngët e saj, edhe pse përfshirja në një vepër të tillë për shumë prej tyre do të mbetet zhgënjyese dhe e pafalshme. Për Liljanën, problemet me drejtësinë italiane nisën në verën e vitit 2006, kur u ndalua në stacionin hekurudhor të Sibarit teksa transportonte tre kile kokainë, por që mundi të shpëtonte nga një dënim kapital.

Ndërsa më vonë, në vitin 2010, ajo u arrestua në Selanik dhe më pas gjykata vendosi ekstradimin e saj drejt Italisë në bazë të një urdhër-arresti ndërkombëtar të lëshuar nga gjykatësi i Catanzaro-s, Vincenzo Antonio Lombardo dhe prokurori i Anti-mafias, Vincenzo Luberto. Sipas grupit hetimor italian, Kondakçi ishte pjesë e një grupi kriminal prej 20 anëtarësh dhe vetë njihej apo thërritej me nofkën “la mamma”.

Pas shlyerjes së dënimit është mësuar se këngëtarja do të riatdhesohet në Shqipëri dhe një pohim i saj për kohën e kaluar në burg apo për gjithë eksperiencën e kaluar, sigurisht që do të përbënte një ngjarje për adhuruesit dhe popullaritetin e saj. Mbetet për t’u parë nëse pas gjithë kësaj ajo do të vendosë të jetojë në Shqipëri përfundimisht./vipat.infohttp://lajmetvip.al/wp-content/uploads/2013/01/liljanakondakci1.jpg

"Liljana Kondakçi lirohet nga burgu pas 3 vjetësh dënim në Itali"
me
"Itali: E dënuar për trafik droge, Liljana Kondakçi del nga burgu"

temat u bashkun