Korçë, arrestohet i dënuari për trafik droge

Një person i dënuar për trafikim narkotikësh ka rënë në prangat e policisë së Korçës pasi ishte dënuar ne gjykata lokale në janar të këtij viti.
Policia informoi se sot ne dt 27.05.2011 ne oren 13:30 u be kapja dhe ndalimi i shtetasit te shpallur ne kerkim prej dt 09.02.2011, Johanis Vainas 37 vjec banues ne fshatin Zvezde-Korce.
Seksioni Kunder Narkotikeve ne Drejtorine e Policise Qarkut Korce ne baze te informacioneve te marra ne rruge operative ka bere te mundur diten e sotme kapjen e shtetasit te siperpermendur ne vendin e quajtur “ “Trekendeshi” ne qytetin e Korces, thanë burimet për LajmiFundit. Sipas tyre, arrestimi i 37-vjeçarit u bë pasi Prokuroria e Rrethit Gjyqesor Korce ka leshuar urdherin per ekzekutimin e vendimit penal nr 3 dt 24.01.2011 te Gjykates se Apelit Korce, e cila e ka denuar kete shtetas me 6 vjet burg per vepren penale “Trafikim i narkotikeve ne bashkepunim”.