- MiikaaaPrinceshe Forumi
- Gjinia :
Shteti :
Mosha : 34
Postime : 3712
Anetaresuar : 22/01/2013
Halimi: Sot do testohen aftësitë e gjyqtarëve për Gjykatën Adminstrative
Mon 25 Mar 2013 - 12:27
Ministria e Drejtësisë ka bërë me dije se sot do zhvillohet testimi i gjyqtarëve, të cilët do të jenë pjesë e Gjykatës Administrative. Ministri i Drejtësisë, Eduard Halimi është shprehur në rrjetin social “Facebook” se është hera e parë që në 10 vitet e fundit organizohet një testim për gjyqtarët në detyrë, duke shtuar se ky proces është prova më e qartë e vullnetit të mazhorancës për t’i promovuar gjyqtarët në bazë të meritës dhe vlerave.
“Kam besimin e plotë se të gjithë ju që merrni pjesë në këtë testim do t'i tregoni vetes, familjes dhe gjithë publikut profesionalizmin dhe njohuritë e forta, siç kam bindjen që procesi i sotëm do t'i jap fund njëherë e mirë historisë së promovimeve bazuar në interesa dhe klientelizëm”, shkruan Halimi.
Sipas tij testimi i gjyqtarëve të Gjykatës Administrative është një hap historik në procesin e reformimit të sistemit gjyqësor që do të ndikoj cilësisht në rritjen e pavarësisë, paanshmërisë dhe transparencës.
“Jam krenar që ju, mbi 100 gjyqtarë në detyrë në të gjithë Republikën e Shqipërisë, pranuat të testoheni duke vënë në provë me dinjitet, profesionalizimin tuaj. Jam i sigurt që dita e sotme do të kaloj me së miri për secilin prej jush. Faleminderit që na mbështetët në këtë stad të reformës në drejtësi!”, përfundon deklarata e Halimit.
Ndërsa ditën e djeshme Halimi ka informuar se do bëhen reforma në sistemin e drejtësisë, për të shmangur korrupsionin, duke ua rritur rrogat gjyqtarëve.
/Shekullli Online/ Përgatiti: E.L/
Drejtat e ktij Forumit:
Ju nuk mund ti përgjigjeni temave të këtij forumi
|
|