“Pse më derdhe rërën e maces?”, italiani i thyen këmbën shqiptarit me çekiç

Si duket krimi ka degjeneruar aq shumë sa edhe derdhja e një qeseje rëre për macen padashie i ka kushtuar rëndë një shqiptari në Itali.
Ka mjaftuar kaq gjë për të shkaktuar reagimin e ashpër të të zotit të shtëpisë, që nuk ka ngurruar të marrë një çekiç e të godasë “fajtorin” duke i shkaktuar plagë të rëndë. Agresori është një 22 vjeçar, tashmë i arrestuar nga karabinierët për plagosje, njofton portali Shqiptari i Italise.
I plagosuri është një 60-vjeçar shqiptar që e fiton bukën me punë të rastësishme si shpërndarja e fletëpalosjeve publiciteti.
Sipas rindërtimit të ngjarjes nga karabinierët me ndihmën e viktimës dhe të dëshmitarëve, i riu i është vërsulur të moshuarit sapo ka parë rërën të derdhur përpara derës së shtëpisë.

Gjatë grindjes ka hyrë në shtëpi, ka marrë një çekiç karpentierësh dhe ka goditur me forcë 60 vjeçarin në këmbën e majtë, duke i shkaktuar plagë të rënda.
Tashmë shqiptari ndodhet në spital si rezultat i plagëve të rënda në këmbë./alb-observer.com/

Kafshe fare ,rracistat,sdine si te sillen si njerez por si kafshe...

Tamam Bona se po nisin te duan kafshet njerezit me shume e jo njerezit ..qenet e macet