E thyen këmbën, për t`i ngjarë këngëtares së adhuruar!

Londër, 1 prill - Se deri ku mund të shkojë adhurimi i verbër i një idhulli muzikor, në mënyrën më absurde tregon rasti i një adhuruese fanatike të këngëtares britanike Jessie J. Kur kjo e fundit e kishte thyer këmbën dhe në televizion ishte emetuar pamja e saj me këmbën në gjips, asaj i kishte ndodhur diçka e papritur.

Një fanse e saj, tinejxhere, e njohur edhe më parë për adhurimin e verbër ndaj këngëtares, e kishte bërë të njëjtën gjë! E kishte thyer këmbën, por jo aksidentalisht. Ajo e kishte bërë këtë me qëllimin që “t`i ngjajë” këngëtares së adhuruar. Vajza ia kishte dërguar asaj me postë letrën me një fotografi të këmbës së thyer. Në letër shkruante: “Unë do të bëj çdo gjë për të qenë sikur ti”, transmeton portali Albinfo.

Siç shkruan gazeta britanike The Sun, këngëtaren ka filluar ta brengosë seriozisht kjo dhe po shqetësohet për sigurinë e vet. Për këtë arsye ajo mendon të angazhojë roja personale.