Monica Bellucci: “Nuk e di nga kanë ngjarë fëmijët?”

Aktorja italiane, Monica Bellucci, ndërsa ka folur në një intervistë mediatike për jetën e saj private, ka folur edhe për dy vajzat e saj, nëntëvjeçaren Deva, dhe dyvjeçaren Léonie. Ajo shprehet se është e mahnitur me talentin e vajzave të saj të cilat në këtë drejtim nuk I ngjasojnë aspak as asaj dhe as Vincent Casselin, bashkëshortit të saj.
“Nuk na përngjajnë as mua as Vincentit. Janë më vete. Unë u kam thënë atyre se tashmë janë më të mira se unë. Vajza ime e madhe flet gjuhën portugeze pa theks, unë nuk mundem. Di të luajë në piano, unë nuk di. Ndërsa ka vetëm nëntë vjet”, , është shprehur gjithë mburrje Monica.

Ndërsa duke folur për jetën e përditshme bukuroshja 48-vjeçare thotë nuk bën një jetë luksoze dhe primare për të është familja dhe miqtë e saj.
“Liria është një luks për mua. Liria për të shkuar ku të duash dhe të bësh pikërisht atë që do. Më shumë lidhem për njerëzit se sa për gjërat. Për këtë gjë unë kam familje dhe shumë mikesha, sepse unë i dua femrat. Ato më frymëzojnë mua”, shprehet aktorja. Më tej ajo rrëfen se trashëgimia e saj italiane është e rrënjosur thellë në natyrën e saj dhe pavarësisht jetesës në vende të ndryshme,
”Edhe pse udhëtoj nëpër botë, unë jam italiane. Italia është gjithmonë në zemrën time dhe nuk e harroj vendin prej nga vij. Thjesht, Italia është në ADN-në time”,thekson bukuroshja italiane./alb-observer.com/

Do Pyet Komshia

ma mire Kumara Osumi ...asht ma afer