Forma e re e vjedhjes së motorave në Tiranë: Porosisin pica dhe u marrin motorrat shpërndarësve

Vjedhësit e motorave në Tiranë kanë gjetur një mënyrë tepër origjinale për të kryer këtë “punë”. Kështu ata porosin pica, kryesisht gjatë natës, dhe kur u vjen porosia, nën kërcënimin e armës u marrin motorrin shpërndarësve të picave. Rasti më i fundit ka ndodhur dy dite më parë rreth mesnatës nje person ka telefonuar në picerinë A. pranë shkollës Petro Nini Luarasi dhe ka porositur dy pica kapricoza dhe dy pije freskuese dhe ka kërkuar t’ia dërgojnë pranë ish-stacionit të fundit të Tiranës së re.
24-vjeçarit Erdin. M, shpërndarës picash, kur ka shkuar në vendin e treguar i ka dalë një person i maskuar që i ka marrë motorrin me targë TR 5C24. Pas kallëzimit në polici, grabitësi është shpallur në kërkim megjithëse në këto momente ai nuk është identifikuar./alb-observer.com/