Rama: Nxjerrja e nxënësve në mitingje, vepër penale

TIRANE- Kreu i PS-se, Edi Rama ka theksuar sot domosdoshmerine e decentralizimit te shkolles, kthimin e dinjitetit per mesuesit dhedenimi ashper per ata qe i nxjerrin mesues e nxenes neper mitingje partie.
Duke folur ne nje tryeze me shoqërinë civile për dhunën ndaj fëmijëve, Rama tha se duhet të konsiderohet vepër penale dërgimi i fëmijëve dhe trupës mësimore në mitingje.
“Një drejtor shkolle që merr me zor fëmijët dhe i çon në miting duhet të çohet në burg për një krim” tha Rama.
Ai shtoi me tej se duhet nje tryezë për të filluar depolitizimin e shkollës. “Mësuesit e shkollës nuk do kalojmë më testin e partisë, por një test profesional të hartuar nga mësuesit dhe prindërit. Duhet ti japim fund këtij tifozllëku partiak ku njerëzit shkojnë në mitingje sikur po shkojnë në një ndeshje futbolli ku bëjnë tifozllëk për një skuadër të caktuar dhe ku partia politike në pushtet luan me fatin tënd dhe ti e përdor si biletë për të parë nëse do fitosh ose jo. T`i jepet fund një tifozllëku të qeverisë që i shikon si zgjedhës. Kush pranon statusin e zgjedhësve në dëm të statusit të njeriut të votojë Saliun. Kush do statusin e njeriut atëherë të votojë Partinë Socialiste” tha Rama./panorama