NASA dhe ROSCOSMOS frikësohen, bashkojnë fuqitë për të përballuar asteroidët që kërcënojnë Tokën!

Dëshirën për të bashkëpunuar midis tyre, kanë shprehur dy agjencitë më të mëdha të hapësirë në botës nën frikën e kërcënimit të asteroideve!
Mësohet se agjencia ruse e hapësirës, ROSCOSMOS është e gatshme për të bashkëpunuar ngushtë me NASA-ën, në një program përballimi dhe “asgjësimi” asteroideve, ka pohuar drejtori i agjencisë ruse Vladimir Popovkin. Në kuadër të këtij bashkëpunimi dhe programi, parashikohet dhe objektivi është diktimi i një asteroidi në hapësirë dhe vendosja e tij në orbitën e Hënës, me qëllim që të mund të studiohet dhe të jetë nën “kontroll”. Sipas Institutit të Hapësirës dhe Shkencave Astronomike në Keck, një mision i këtij niveli do të kushtoj 2.65 miliardë dollarë.


Madje, ROSCOSMOS i ka propozuar qeverisë ruse ndërtimin e një sistemi të përbashkët observimi asteroidesh. Rusia disponon tashmë 3 sisteme të tilla, të cilat i menaxhon Ministria e Mbrojtjes, Akademia Ruse e Shkencave dhe ROSCOSMOS./alb-observer.com/