Mallakastër, i zoti i shtëpisë vret hajdutin

Sun 21 Apr 2013 - 17:53

Mallakastër- Një person është qëlluar për vdekje ndërsa po tentonte të grabiste një banesë. Ngjarja e rëndë ndodhi në fshatin Ngracie, kur katër persona hyn për të vjedhur banesën e shtetasit Ylli Kapllanaj.

I zoti i shtëpisë ka qëlluar me armë hajdutët duke lënë të vdekur njërin prej tyre. Ngjarja u njoftua në Polici rreth orë 01:00 të ditës së sotme, nga vet autori i vrasjes.

Mësohet se viktima ende i paidentifikuar, ndodhet në morg Tre personat të tjerë janë larguar nga vendi i ngjarjes. Policia bën me dije se po punon për identifikimin e tyre.

/Shekulli Online/Përgatiti: A.Zh/