Itali, shkatërrohet celula islamike

Një celulë islamike me bazë në tre rajone të Italisë dhe në Belgjikë është shkatërruar nga karabinierët e vendit fqinj, të cilët kanë arrestuar gjashtë persona.

Lajmin e bëjnë të ditur mediat italiane, sipas të cilave personat e arrestuar akuzohen për organizim të terrorizmit ndërkombëtar dhe nxitjen e urrejtjes mes racave.

Personat e arrestuar, mes bëhet e ditur, janë shtetas marokenë dhe tunizianë dhe kanë qenë në kontakte të ngushta me eksponentë të spikatur të terrorizmit ndërkombëtar.

Hetimet për këtë celulë kishin nisur në vitin 2007 përmes monitorimit të aktiviteteve të disa emigrantëve dhe duke mbikëqyrur telefonatat e tyre dhe pikat e internetit.

Gjashtë të arrestuarit bënin thirrje për luftë të shenjtë dhe sulme vetëvrasëse në Perëndim dhe në zonat e luftës, kanë treguar hetimet e kryera nga Reparti i Operacioneve Speciale.

Gjithashtu, hetuesit kanë zbuluar ushtrimin e indoktrinimit ndaj anëtarëve të rinj, që bëhej edhe përmes dokumenteve audio dhe video, në të cilat bëhej thirrje për atentate vetëvrasëse.

Gjithashtu, ata kishin treguar në disa raste urrejtjen ndaj vendeve “pa besim”, siç i quanin ata, si Shtetet e Bashkuara, Italia e shtete të tjera.
/Tch

shume keq i bejne keto tituj lajmesh
per mendimin tim nuk duhet te shkruajne CELULA ISLAME
sepse asnje lloj feje nuk pranon dhune por CELULA TERRORISTE

A edhe ne Itali paska celula Islamike ncncncn..??!! per cudi i paskan kap 6 persona...