Levizja Islamike Bashkohu (LISBA) e nis me kercenime

Lëvizja Islame Bashkohu (LISBA) në konferencën e saj të parë vjen me kërcënime se nëse nuk plotësohen kërkesat e tyre ata do të marrin masa, të cilat anëtari i kësaj Lëvizje, Fuad Ramiqi, i quan ‘masa më të theksuara” se të partive të tjera.

Kjo lëvizje ka denoncuar disa autor të disa teksteve shkollore, të cilat sipas tyre e paraqesin fenë islame si të dhunshme dhe të prapambetur, duke kërkuar njëkohësisht nga Ministria e Arsimit që të plotësojë kërkesën e shtetit të Turqisë për rishikimin e teksteve shkollore.

Në të kundërtën, sipas sekretarit të përgjithshëm të saj, partia LISBA do të iniciojë protesta dhe peticione për ta çuar përpara këtë kërkesë.

Kërkesa e dytë e kësaj lëvizje ishte tërheqja e udhëzimit administrativ për ndalesën e bartjes së shamisë, të cilën kjo Lëvizje e quan vendim politik. Kësaj kërkese iu bashkua edhe kërkesa që në të gjitha institucionet publike të krijohet hapësira për faljen e namazit.

Në këtë konferencë në shënjestër ishte edhe Qeveria e Kosovës, e cila sipas kësaj Lëvizje nuk ka treguar fare interesim për gjendjen e Sirisë. LISBA ka kërkuar nga Qeveria që të ndajë fonde për t’i ndihmuar Sirisë dhe gjithashtu të lejojë hyrjen e refugjatëve sirianë në Kosovë.Nga Express

veq lexoje kush e ka dhen lajmin gazeta express.