Share
Shko poshtë
Anabel
Anabel
Fondatore Forumi
Fondatore Forumi
 <b>Gjinia</b> Gjinia : Female
<b>Shteti</b> Shteti : Greece
<b>Postime</b> Postime : 88355
<b>Anetaresuar</b> Anetaresuar : 22/01/2010
http://www.engjujtshqiptare.com/

default Një në tre shqiptarë ka një borxh pa shlyer

prej Sun 5 May 2013 - 14:04
Kreditë e këqija arrijnë në 24. 5 %. Bizneset e mëdha nuk investojnë, heqin dorë edhe për kërkesa për kredi. Hua vetëm për pagat dhe shpenzimet operative
Një në tre shqiptarë ka një borxh pa shlyer Ardian_Fullani
Ornela Manjani

-Bizneset në Shqipëri nuk gjenerojnë të ardhura as për të shlyer pagat e punonjësve dhe shpenzimet operative. Kreditë e këqija kanë arritur në 24. 5 % të totalit të portofolit të kredisë, ndërsa rreth 33 % e shqiptarëve kanë një borxh për të shlyer. Kjo është pasqyra ekonominë në vend, sipas raportit të Bankës së Shqipërisë mbi Stabilitetin Financiar për 6 mujorin e dytë të vitit 2012. Nga totali i kredisë së marrë nga biznesi, 37.3 % e saj është kredi për shpenzime korrente dhe 30.2 % është kredi për investime. Për 63.7 % të kredisë biznesi ka lënë si kolateral pasuri të paluajtshme. Nga vrojtimi i Bankës së Shqipërisë, i publikuar një ditë më parë, në 727 biznese të mëdha, 83.7 % e tyre kanë deklaruar se nuk do të marrin kredi vitin që vjen. Afro 53.6 % e biznesit të pyetur pohojnë se kanë një hua për të shlyer. Biznesi ka depozituar në banka më pak para si depozita, se sa niveli i huasë që ka tërhequr, duke krijuar një debi prej 288.4 miliardë lekë ndaj sistemit bankar. Ndërkohë, edhe kredia për individët është ulur në këtë periudhë. Shumica e individëve kanë marrë hua për të blerë pasuri të paluajtshme, çmimet e së cilës në 2012 rezultojnë më të ulëta. Vrojtimi mbi 1210 individë në 16 rrethe, nxjerr në pah se 33 % e tyre kanë deklaruar se kanë një hua për të paguar. Burimi i huamarrjes për 54 % të këtyre individëve është informal, çka do të thotë se kanë marrë para borxh tek njëri-tjetri. Kredia e marrë nga individët është në vlerën 674.3 miliardë lekë. Vihet re se kredia e individëve është afatgjatë në 79 % të saj. Përsa i përket nivelit të depozitave ato janë rritur, por ritmi i rritjes është më i ulët se 6-mujori i parë. Depozitat u rritën me 3.1 %. Depozitat janë në valutë dhe në lekë në nivele thuajse të njëjta, secila 500 miliardë lekë. Në gjysmën e dytë të vitit 2012, për skenarët e supozuar nga Banka e Shqipërisë, niveli i kapitalizimit të sektorit mbetet mbi nivelin minimal të kërkuar prej 12%. Skenari bazë i ndërtuar nga Banka e Shqipërisë supozon një rritje ekonomike prej 1.43%, një mbiçmim të lekut me 1.7% dhe një rritje të totalit të kredisë me 4%. Faktorët me kontributin kryesor në shtrëngimin e standardeve të kredisë për bizneset ishin: problemet specifike të sektorit ku zhvillon aktivitetin ndërmarrja, gjendja e huave me probleme në sistemin bankar dhe situata makroekonomike në vend. Nga ana tjetër, ashtu si dhe në tremujorët e mëparshëm, gjendja e likuiditetit dhe konkurrenca në sistemin bankar kanë ndikuar në lehtësimin e standardeve të kredidhënies për bizneset. Niveli aktual ose i pritshëm i likuiditetit të bankës, konkurrenca në sistemin bankar dhe vendimet e Bankës së Shqipërisë, përfaqësojnë faktorë me ndikim në kahun lehtësues të standardeve të kredisë për individë. Huatë me probleme, zhvillimet në tregun e pasurive të paluajtshme dhe gjendja financiare e individëve kanë vijuar të kontribuojnë në kahun shtrëngues të standardeve të kredidhënies për individët.

Opinion/Ermelinda Meksi

Anëtare e Këshillit Mbikëqyrës të Bankës së Shqipërisë

Kredia e re nuk ekziston

Kreditimi është në minimumet historike, ku kredia e re po shkon drejt zeros. Kjo ka ardhur për një sërë faktorësh, të cilët kanë sjellë edhe frenimin e rritjes ekonomike. Efekti i i parë i krizës në Shqipëri u ndje me rënien e remitancave, të cilat ishin një faktor i rëndësishëm për familjet dhe për biznesin. Më pas filluan të bien të ardhurat për biznesin si pasojë e rënies së konsumit, u rritën kreditë e këqija bankat shtrënguan kushtet e kreditit dhe ajo që shikoj unë sot si efekt i krizës janë treguesit shumë të qartë të rritjes ekonomike të cilat nga 7. 8 %, sipas INSTAT që ishte në vitin 2008, në vitin 2012 ky tregues ishte 1. 6 %. po kështu kemi edhe rënien tashmë jo të rritjeve të rritjes së të ardhurave, por rënien nën nivel të të ardhurave reale të cilat për vitin 2012 ishin rreth 3. 78 % në raport me vitin 2010. Një tjetër tregues tjetër që shfaq treguesin e krizës, që jep efekte është që shtesa e kreditimit, ndërsa ishte rreth 100 miliardë lekë, vetëm shtesa në vitin 2008, po të shikojmë nga maji i vitit 2012, shtesa e kreditit nuk ekziston, nga maji deri në shkurt kemi stanjacion. Janë këto faktorë që tregojnë krizën, që tashmë është evidente

Forcohet euro, shkak rritja e kërkesës

Gjatë javëve të fundit, monedha e përbashkët Evropiane është forcuar lehtë në kursin e këmbimit me lekun. Sipas kursit zyrtar të këmbimit të Bankës së Shqipërisë, në ditët e fundit të muajit Prill, euro arriti edhe vlerën më të lartë për këtë vit, me 140.8 lekë. Ekspertët e këmbimit valutor shprehen se forcimi i euros në këtë periudhë të vitit është një fenomen pak a shumë i zakonshëm sezonal, që lidhet me kërkesën e lartë për valutë në treg. Kjo periudhë e vitit përkon me mbylljen e bilanceve të korporatave të huaja dhe me transferimin e fitimeve për tek aksionerët e tyre jashtë Shqipërisë. Fitimet konvertohen në euro në tregun valutor, çka sjell rritje të kërkesës dhe forcim të monedhës së përbashkët Evropiane ndaj lekut.


Një në tre shqiptarë ka një borxh pa shlyer Engjuj17
Portali ~ Forumi ~ St@ff ~ Rregulloria Forumit

Keni paqartesi... Me kontakto ne PM
Mbrapsht në krye
Drejtat e ktij Forumit:
Ju nuk mund ti përgjigjeni temave të këtij forumi