Edhe të vdekur nuk po e lënë rehat: “Michael Jackson më ngacmoi seksualisht”

Duket se yllin e muzikës pop Michael Jackson nuk po e lënë të qetë edhe pas vdekjes. Kështu, Wade Robson, një koreograf i njohur, deklaron se mbreti i pop-it e ka ngacmuar atë seksualisht që në moshën 7 vjeç në Neverland Ranch, ku ai ftohej shpesh në festa. Sipas, Robson ngacmimet kanë zgjatur deri në moshën 14 vjecare ndërsa ai vetë ka vuajtur nga ndrydhja e kujtesës.
“Robson pati mungese oreksi, ankth dhe kjo nisi në vitin 2010 për të shpërthyer në vitin 2011. Shpërthimet e tij nervore ishin kaq të mëdha sa la përgjysëm karrierën dhe u mbyll në shtëpi. U bë i paaftë për punë dhe të përmbushte detyrimet e tij. Më pas i tregoi familjes së tij se Michael Jackson e kishte ngacmuar seksualisht”, shprehet një burim nga familja e të riut.
Familja e tij shton se Robson nuk po e bën këtë për para, pasi “ka pasuri mjaftueshëm” ndërsa avokati i familjes Jackson, Howard Weitzman theksoi se kjo që po bën koreografi është e papranueshme dhe gënjeshtër.
“Dy herë në gjyqe është betuar që Michael nuk ka bërë kurrë gjë të keqe kundër tij. Tani 4 vjet pasi ai është ndarë nga jeta kemi dëgjuar gjëra të çuditshme sa dhe kjo deklaratë.”, u shpreh avokati./alb-observer.com/