Birësimi, familjet shqiptare të paguajnë 20 mijë lekë ndërsa të huajt 700 euro

Komiteti Shqiptarë i Birsimit ka vendosur se që të birësosh një fëmijë më parë duhet edhe të paguash.
Tarifat e pagesës janë në varësit të vendit nga bëhet kjo kërkesë, konkretisht një shtetas shqiptar duhet të paguajë shumën prej 20 mijë lekësh, ndërkohë që për birësimin me pëlqim është përcaktuar tarifa prej 10 mijë lekësh.
Sa u takon birësimeve nga shtetasit e huaj, janë përcaktuar tarifa të ndryshme nga shtetasit shqiptarë, ndërsa dallime ka edhe për faktin nëse birësuesi apo familja birësuese vjen nga vende të Bashkimit Evropian apo jo.
Për një shtetas që vjen nga BE, tarifa e përcaktuar do të jetë 700 euro, ndërsa për shtetasit që vijnë nga jashtë shteteve të BE-së shërbimi do të kushtojë 1000 dollarë.
Sipas udhëzimit të dy ministrive, këto tarifa do të paguhen vetëm në momentin që të interesuarve u është miratuar kërkesa për birësim.
Përsa u përket procedurave të birësimit Komiteti bën me dije se ato nuk kanë pësuar ndryshime./alb-observer.com/